Шеесетгодишен кумановец загинал вчеравечер во својот дом по експлозија на плинска боца.
Како што соопшти Секторот за внатрешни работи Куманово, синоќа во 20 часот и 23 минути во полицијата било пријавено дека во куќа на улицата „Ѓорче Петров” бб, настанал пожар од експлозија на плинска боца. Притоа, од експлозијата починал сопственикот, 60-годишен жител на Куманово.
За несреќата во дневниот билтен утрово информира и Регионалниот центар за управување со кризи.
Според РЦУК, екипа на Територијалната противпожарна единица синоќа во периодот од 20 часот и 25 минути до 21 часот и 25 минути со едно противпожарно возило интервенирало на пожарот настанат од плинска боца.
По извршениот увидот на полициско-судските екипи на местото на несреќата, ќе се дознаат повеќе детали околу несреќниот случај што синоќа ги вознемири жителите на населбата Перо Чичо, но и целиот град.