Здружение НРЦ: Гинеколози наплаќаат и за бесплатните лекарски прегледи

Здружението Национален Ромски Центар од Куманово бара одобар пристап на бремените жени до гинеколошките услуги и суштинска примена на законите. Во нивната анализа во рамки на повеќедеценискиот проект „Унапредување на здравјето на жените Ромки“, предупредува дека голем дел од жените Ромки плаќале за бесплатни гинеколошки прегледи, а висок е процентот и на неискористеност на бесплатните гинеколошки прегледи на бремени жени, кој се движи помеѓу 74 и 90, во зависност од услугите.

Потребен е подобар пристап на бремените жени до гинеколошките услуги, бидејќи 74 проценти од жените Ромки плаќаат за бесплатните прегледи за време на бременост, иако сите бремени жени и родилки имаат право на бесплатни здравствени услуги, вели извршниот директор на НРЦ, Ашмет Елезовски. Истражувањето на НРЦ покажало дека за ехо и тестови на бремените жени, услуги што треба да се бесплатни кај матичните гинеколози, пациентките плаќале од 300 до 1.100 денари.