Претседателката на Советот на општина Куманово Ивана Ѓорѓиевска денеска заедно со в.д.директорот на ЈП ,,Чистота и зеленило” Сашо Томиќ присуствуваше на промоција на возилата за комунална хигиена во Скопје, на покана на Владата и Министерството за транспорт и врски на РСМ.
Новите возила ќе бидат вклучени во одржувањето на хигиена во градот Скопје и неколку општини, меѓу нив и Куманово.
ЈП ,,Чистота и зеленило” ќе добие пет возила за комунална хигиена: една цистерна, две автометлачки и два камиона за собирање на смет.
Средствата за набавка на вкупно 49 возила се обезбедени со заштеда на средствата преку проектот за ревитализација и за изградба на нови локални и регионални улици, што го спроведува Владата со Светска банка.
