МВР информира дека вчеравечер во 22.50 часот од полициски службеници од Полициската станица за Граничен премин Табановце при Регионалниот центар за гранични работи Север, биле откриени двајца скопјани на возраст од 20 и 23 години кои при гранична контрола на излез од државата приложиле фалсификувани ПЦР тестови.
Тие во службен разговор признале дека фалсификуваните ПЦР тестови ги направиле сами. Од страна на полициски службеници ПЦР тестовите биле одземени, а на пријавените не им бил дозволен излез од државата.
По целосно документирање на случајот против нив ќе бидат поднесени кривични пријави согласно Кривичниот законик.
