Градоначалникот на општина Куманово, Максим Димитриевски присуствуваше на работна средба со членовите на Локален економско-социјален совет-Куманово, информира општината.
На средбата беа презентирани досегашните активности на советот и неговата улога за време на пандемијата со COVID-19.
Беа разгледани и областите на делување во изработка на Стратегијата, како и Дијагностика на пазарот на труд во општина Куманово, документ со анализи на постоечки податоци на невработени лица во Куманово, на побарувачка на пазар на труд и останати значајни ставки, кои ќе бидат основа за изработка на Стратегијата.
