Утре протест на патот кон Бугарија

Жителите на кратовското село Страцин, поддржани од жители на Куманово, Крива Паланка и Кратово, в петок од 11 часот ќе го блокираат патот кој води кон Бугарија. Трактори ќе паркираат на крстосницата Чатал и ќе пропуштаат само итни случаи за да изразат револт од пресечениот локален пат со изградбата на експресната сообраќајница Ранковце – Крива Паланка, објавува „Макфакс“.

Речиси четири недели преговараа со надлежните за решение, но незадоволни од она што им го понудиле решија правдата да ја бараат со блокада.

Блокадата е пријавена во МВР, а полиција ќе го обезбедува и карванот возила кои како поддршка ќе тргнат од Куманово кон Страцин оти и тие го користат истиот локален пат за да стигнат со машините до Крива Паланка.

Од Јавното претпријатие за државни патишта за „Макфакс“ велат дека на жителите им го понудиле единственото решение за пресечениот локален пат.

Жителите сметаат дека она што го понудило јавното претпријатие не е решение оти го решава сообраќајот само за некои маала и дава алтернатива која локално ќе ги поврзе Куманово и Крива Паланка.

Коментари

коментар(и)