Осум пациенти се сместени во модуларната ковид болница во Куманово, којашто вчера започна со работа. Веднаш по отворањето биле примени седум пациенти, а утринава уште еден. Болницата е со капацитет од 33 легла.
„Болницата е направена по сите стандарди со нов мебел и се она што е потребно за лекување на пациентите. Болничките соби се по 6 и 8 кревети, и ги има сите услови за пациентите и вработените“, изјави директорката Снежана Захариева.
Болничките капацитети на сите три ковид оддели се исполнети 60 отсто или 30 пациенти се водат во дневата болници и 45 се сместени на оддлението. Има место за прием на уште 30 пациенти. Бројот на заболени постојано расте.
Медицинскиот персонал и лекарите од другите одделенија по потреба се ротираат за работа на трите ковид-оддели. За пациентите се грижат специјалисти инфектолози, интернисти, невролози и општи лекари.