Тешко повреден велосипедист во сообраќајна незгода

Во СВР Куманово викендов било пријавено дека на кружен тек од бул.„Октомвриска револуција“, бул.„Трета македонска ударна бригада“ и ул.„Благоја Богдановски Гуцман“ во Куманово, патничко возило „опел“ со кумановски регистарски ознаки, управувано од 82-годишен кумановец, удрило во велосипед управуван од 66- годишен сограѓанин. Во сообраќајната незгода со тешки телесни повреди се здобил велосипедистот, констатирани во Општа болница Куманово. Извршен бил увид од увидна екипа од СВР Куманово.