Малопродажните цени на бензините Еуросупер БС-95 и Еуросупер БС-98 и на Екстра лесното масло за домаќинство на (ЕЛ-1) се зголемија за половина денар, додека цената на Еуродизелот останува иста, одлучи Регулаторната комисија за енергетика.
Цената на БС-95 изнесува 70,50 денари за литар, додека цената на Еуросупер БС-98 изнесува 72,50 денари за литар. Малопродажната цена на Екстра лесното масло за домаќинство на (ЕЛ-1) изнесува 64,50 денари за литар. Дизелот продолжува да се продава за 64,50 денари за литар.
Цената на Мазутот М-1 НС се намали за 0,668 денари за килограм и изнесува 32,133.
