Основното училиште „Светозар Марковиќ“ во Старо Нагоричане денеска го одбележа националниот празник на Србите во Македонија , а воедно и училишната слава, Свети Сава. Присутните имаа можност преку културно уметничка програма подготвена од учениците и наставниците да слушнат и да се потсетат на ликот и делото на Свети Сава. На денешната свеченост во училиштето присуствуваше и заменик министерот за култура Драган Недељковиќ.
-И претходните денови имавме активности, Светосавски турнир во шах организиравме трета година по ред, имавме ликовен ден и литературно читање, изјави Даниела Станковска, директор на ООУ„Светозар Марковиќ„
Ова е единствено училиште на територијата на РМ во кое што наставата е на српски јазик. Во основното училиште „Светозар Марковиќ“ учат 93 ученика, во десет паралелки, а двете подрачни училишта се наоѓаат во селата Алгуња и Никуљане.