На 64-годишна возраст почина Богдан Таневски, истакнат културен работник, директор на националната установа Музеј Куманово.
Должноста директор на оваа установа ја извршуваше во период од три мандати: 1994-1998, 2002-2006 и од 2017-2022 година. Во неговиот 37-годишен стаж Таневски успешно работеше како конзерватор, виш конзерватор и советник конзерватор.
–Куманово ќе го памети како добар човек, успешен работник и вистински професионалец, кој зад себе остави реализирани активности и проекти во рамките на споменатата установа-напиша на Фејсбук градоначалникот на Куманово, Максим Димитриевски.
