Претпријатието за производство, монтажа и сервис на лифтови, „Дака сервис“ е пример за успешна компанија која постои 30 години во земјава.
Компанијата чие што седиште е во Куманово, работи на ниво на целата земја, а се обидува да се пробие на пазарот и во соседството, односно во Србија и Косово.
-Оваа година славиме 30 години јубилеј на нашата компанија успешно, квалитетно, гордо со сите напори успеавме да постигнеме со своите вработени да направиме добра фирма и кариера и да продолжиме и во Македонија и надвор за монтажа, сервис и поправка на сите лифтови без разлика на производители и компании со кои работиме. Во денешно време вработените се број еден во секоја компанија, и во мојата, јас сум презадоволен, без оглед на се, дадоа свој придонес и го постигнавме нашиот успех, кој ќе го градиме и понатаму-истакна сопственикот Бобан Додевски.
Од претпријатието велат дека ги надминуваат сите потешкотии предизвикани од кризата, од која што се погодени сите. Се надеваат дека ќе слават уште многу јубилеи.
