Горивата од полноќ поскапи за 1,5 денар

Горивата од ноќеска на полноќ поскапуваат за 1,5 денари по литар, одлучи денеска Регулаторната комисија за енергетика и водни услуги . Со одлуката се врши зголемување на малопродажните цени на нафтените деривати во просек за 1,93 отсто.

Новата малопродажна цена на ЕУРОСУПЕР БС-95 изнесува 84 денари за литар, ЕУРОСУПЕР БС-98 ќе се продава за 86, а ЕУРОДИЗЕЛ  за 75,5 денари за литар. Малопродажната цена на Екстра лесното масло за домаќинство, се зголемува за еден денар за литар и ќе чини 74,5 денари.

Со одлуката за 1,249 денари за килограм се зголемува и малопродажната цена на Мазутот М-1 НС и ќе изнесува 48,17 денари.

Коментари

коментар(и)