Голем пожар од вчера беснее во с.Пресница на подрачјето на Општина Липково. Според информацијата на Регионалниот центар за управување си кризи (РЦУК) гори 50 хектари нискостеблеста шума.
Пожарот е пријавен во Шумско стопанство, Територијалната противпожарна единица и Дирекцијта за заштита и спасување. Според РЦУК, од страна на Шумско стопанство вчера попладне во 17 часот добиле информација дека пожарот е активен и дека се опожарени околу 50 хектари шума, но поради непристапниот терен нема да го гаснат. Истовремено го известиле регионалниот центар дека движењето на пожарот е кон горниот дел на планината каде уште има снег и се надеваат дека пожарот навреме ќе се изгасне. Според надлежните од Македонски шуми, подружница Куманово пожарот почнал да се шири вчера во пладневните часови, потенцирајќи дека е зафатена површина на тешко пристапен терен.
Екипи на територијалната противпожарна единица и денеска беа во Липковско на зафатеното подрачје.