Училишен прибор, ранци, новогодишни пакетчиња добија членовите на културно уметничкото друштво „Српски вез“, по повод празникот „Свети Сава“, од членовите на проектот „Слатки караван“ и манастирот „Хиландар“. Пактчињата им ги додели главниот повереник на манастирот, Милош Стојковиќ.
-Многу ни е драга и значајна секоја поддршка од Република Србија и Република Српска. Имавме можност да ни гостува и претседателката на Република Српска за Свети Сава. Какошто рече претседателот на Србија, Александар Вуќиќ пред некој ден, Србија знае да се почитува себе си, да ги почитува своите луѓе и иднината на своите деца. Тоа е многу важна реченица за сите нас. Овие деца се иднината и темел на сето она што го правиме и како српска заедница, и како Демократска партија на Србите во Македонија и како „Српски вез“, бидејќи само така можеме да опстанеме. Успеавме изминативе години да опстанеме, да го сочуваме името и да соработуваме со нашите браќа Македонци, Албанци, Роми и сите останати, но мора првин да се почитуваме себе си-истакна Далибор Китановиќ, претседател на КУД „Српски вез“, кој се заблагодари за донацијата.
-Денеска сме овде во име на акцијата „Слатки караван“ која заедно веќе низа години ја организираат организацијата Обединета Србија, која е најактивна младинска организација во Србија, најприсутна каде што е најпотребно и манастирот „Хиландар“. Знаете дека манастирот е единствена институција која постои од основањето до денеска и никогаш не е укината. Тој е чувар на српската култура, идентитет, традиција, обичаите-нагласи Милош Стојковиќ, главен повереник на манастирот „Хиландар“.