(ВИДЕО) 12 нови случаи на Ковид-19 во Куманово

12 нови случаи на ковид 19  во Куманово, 312 на  ниво на државата регистрира министерството за здравство изминатото деноноќие. Во текот на изминатите 24 часа, регистрирано е едно починато лице: од Радовиш (77г).

Согласно Регистарот на умрени лица со дијагноза КОВИД-19 од Мој Термин, дополнително се пријавени 4 починати лица од: Скопје (3) и Крива Паланка (1).

Бројот на активни случаи во земјава изнесува 1.833, а во Куманово 71 лице ковид позитивно.

Инаку, во периодот од 07 до 13 март годинава, Регистрирани сe 1.818 нови позитивни случаи од 30 градови во државата, што значи намалување од 27,4% во однос на претходната седмица.

Според неделниот извештај на Институтот за јавно здравје во периодот од 07.03.2022 до 13.03.2022г. тестирани се вкупно 15.264 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 12,% во однос на минатата недела.

Најголем дел од регистрираните случаи се од Скопје (n=983; 54,1%), а највисока неделна инциденца е регистрирана во Кавадарци – 167,6/100.000, Ресен – 163,4/100.000 и Скопје – 155,0/100.000.

Регистрирани се заболени лица во сите возрасни групи. Најзастапена е возрасната група на лица на возраст над 60г (n=505, 27,8%). Најмал број е регистриран кај возрасната група од 0-9 години (n=60; 3,3%).

Во однос на претходната недела, се регистрира намалување на бројот на заболени кај сите возрасни групи, со најзабележително намалување од 41,7% во возрасната група од 0-9 години.

Согласно новиот алгоритам за оздравување во текот на минатата недела со статус „оздравени“ се стекнале 2.400 лица во хоспитализирани услови или на домашно лекување.

Во текот на минатата недела вкупно се пријавени 267 реинфекции, со намалување од 28,2% во однос на претходната недела.

Пријавени се 34 смртни случаи во 13 градови во текот на изминатата недела, за 33,3% помалку во однос на претходната недела. Најголем дел од нив се од Скопје (17). Во однос на возраста, регистрирани се 33 починати од возрасната група над 60 години и еден починат од возрасната група од 50-59 години.

На 17.02.2021 во Р. С. Македонија започна вакцинацијата против COVID-19. Заклучно со 12.03.2022, вакцинирани се вкупно 871.669 лица со барем една доза на вакцина против COVID-19 во државата и странство. Комплетно вакцинирани (со две дози) се вкупно 851.655 лица, а со трета доза се вакцинирани 147.223 лица.

Коментари

коментар(и)