Пет пливачки клубови од Куманово и еден ватерполо клуб ќе останат без тренажен процес и тоа непосредно пред оддржување на националното првенство во пливање. Со тоа и долгогодишната работа на клубовите и пливачите кои имаат значајни успеси во македонското пливање ќе бидат оставени на милост и немилост.
Според изјавите на надлежните гледаме дека нема решение во скорешно време, па апелираме до надлежните институции кои што стопанисуваат со овој објект да изнајдат решение за овој проблем, во спротивни ќе бидеме приморани да побараме помош од државата-се вели во соопштението од овие клубови.
