Три ученици во категоријата соло пијано од нижото музичко училиште Панче Пешев освоија едно прво и две втори места на четвртиот интернационален меморијал Милош Петровиќ, кој неодамна се одржа во Јагодина, Република Србија.
-Во категоријата соло пијано, двајца ученици беа во Б категорија родени 2003 и еден ученик беше А категорија роден 2005 година. Освоивме една прва награда Емира Муслиу и две втори Едита Муслиу и Марко Насковски. Задоволни сме од работата, која вроди со плод-изјави професорката м-р Сандра Зојчевска.
Учениците истакнаа дека се задоволни од резултатите кои што ги постигнале.
-Освоив второ место во Јагодина со 89 поени. Јас сум задоволен како свирев и местото што го добив-изјави Марко Насковски.
Учениците од Панче Пешев оваа учебна година освоија одлични резултати и на меѓународните натпревари Охрид те сакам, и Полихимнија, кој се одржа во Скопје.
-Убаво поминавме така што сите деца од камерна музика освоија прво место, ученици од прва б катерогија освоија најмногу поени и на 19-ти април учествуваа на концерт кој беше за лауерати. Ние сме задоволни и се надевам дека од ова училиште ќе излезат многу успешни пијанисти, виолинисти-изјави професорката Риана Рамиз.
Директорката на Панче Пешев, Ивана Андоновска Свилар истакна дека во следниот период им претстои државниот натпревар, како и неколкуте јавни часови.
-Како новина е овогодинешната соработка со музичкото училиште од Охрид. Ќе имаме заеднички проект во кој ќе соработуваат наши и нивни ученици во текот на месецот април ќе ни бидат гости, учениците ќе се дружат и ќе одржат концерт-изјави таа.
Директорката нагласи дека и оваа година исто како и претходните ќе за завршат со годишен концерт на кој ќе настапат најдобрите ученици од сите класи.