ХЗ „СРЦЕ 2025“ подели хуманитарни пакети во козјачкиот регион

 Хуманитарното здружение „СРЦЕ 2025“ од  с.Старо Нагоричане организираше хуманитарна акција по повод големиот христијански празник Велигден.

„Поделивме 31 хуманитарен пакет со прехранбени производи и средства за хигиена. Ги посетивме и поделивме пакети во с.Пелинце, с.Враготурце,с. Алгуњa – маалите Татариновац и Сејдинце, с.Коинце, с.Челопек, с.Драгоманце, с.Кокино, с. Старо Нагоричане, с.Младо Нагоричане,с.Никуљане, с.Стрновац, с.Облавце,испративме пакет и за селото М’гленце.  ХЗ СРЦЕ 2025 с.Старо Нагоричане се заблагодарува на сите хумани жители и компании кои ја покажаа својата хуманост на дело, изјави Давор Арсиќ, претседател на хуманитарно здружение „СРЦЕ 2025“ с.Старо Нагоричане.

„СРЦЕ 2025„ с. Старо Нагоричане е новоформирано здружение со хуман карактер. Претседателот Давор Арсиќ заедно со членовите на здружението и во иднина планираат хуманитарни акции и хуманитарни базари со цел помош на социјално загрозените семејства, потенцираат од хуманитарното здружение.