Потпишани договори со здруженија на граѓани за поддршка на локални проекти

Општина Куманово потпиша договор за финансиска поддршка на четири здруженија на граѓани од Општина Куманово за реализација на локални проекти.

Проектите се однесуваат на: заштита на животна средина, социјална кохезија и намалување на сиромаштија, туризам и клултура како и младински иницијативи. Проектите ќе се имплементираат во период од 6 месеци.

Договори потпишаа следниве здруженија:

•          Здружение за поттикнување на локален и рурален развој Ума Сто од Куманово за проектот: „Туристичко – гастрономски кластер Ума – Бислим”.

 Вкупен буџет: 251.500,00 – денари

Севкупна цел рурален развој и туризам преку: создаден еден кровен бренд за новиот туристичко-гастрономски кластер, настани за промоција на брендираните производи, едицирани млади и жени од 4 села за стандарди за престој на туристи, Обука за стандарди за престој на туристи;

•          Зелена градба Асоцијација Куманово  за проектот: „Еко – едукативен центар за деца и млади”.

Севкупната цел на проектот е да го зајакне генерацискиот капацитет на младите луѓе, преку едукација и активно учество со зелени и иновативни решенија, со цел да создадат долгорочен и одржлив еколошки и економски развој на заедниците.

Вкупен Буџет 215.100,00 – денари

•          Здружение за иновации и млади ИНО МЛАДИ од Куманово за проектот: „Жена Борец – Уметност и едукација за одржлива иднина”.

Свекупната цел на проектот: Справување со текстилен отпад во Општина Куманово и подогање на  свест кај населението преку: креативни, инспиративни и одржливи практики за заедницата кои промовираат повторна употреба, поправка и еколошка свест.

Вкупен буџет 203.500,00 – денари

•          Здружение за стимулација, едукација и рехабилитација ЧЕКОР ПЛУС 2022 од Куманово за проектот: „И јас имам право на среќно и безгрижно детство”.

Свекупната цел на проектот е да го унапреди севкупен живот на децата со попречност и нивните родители, преку давање  психолошка поддршка на деца со попреченост, од страна на детски психолог односно Гешталт психотерапевт како и психолошка поддршка на родителите на децата со попречност.

Вкупен буџет 214.000,00 – денари

Одобрените проекти се  согласно Јавен повик за граѓански организации и фондации од Општина Куманово за 2025 год., како дел од  Програмата на Сектор за меѓународна соработка и евроинтеграции, стратешко планирање, креирање политики, следење и ЛЕР се наменети за  граѓански организации и фондации од Општина Куманово за проекти во рамки на  Стратегиските развојни документи на Општина Куманово, соодветни на приоритетните области и цели, информираат од Одделението за стратешко планирање, креирање политики, следење и локален економски развој (ЛЕР) .