Поскапеа горивата

Бензините од ноќеска на полноќ поскапеа за 1,5 денари за литар, цената на дизелот се зголеми за еден денар, а на екстра лесното масло за два денара за литар, одлучи Регулаторната комисија за енергетика, водни услуги и услуги за управување со комунален отпад (РКЕ). Со одлуката се врши зголемување на малопродажните цени на нафтените деривати во просек за 2,0 отсто во споредба со претходната одлука.

Новата малопродажна цена на ЕУРОСУПЕР БС – 95 изнесува 77,5 денари за литар, ЕУРОСУПЕР БС – 98 се продава за 79,5, ЕУРОДИЗЕЛ БС (Д-Е V) за 73, а Екстра лесното масло за горење (ЕЛ-1) за 72 денара за литар, додека малопродажната цена на Мазутот М-1 НС останува 41,687 денари за килограм.