ВИДЕО: Осумгодишниот шахист Јован Јовановски ќе ја претставува Македонија на европско првенство во Црна Гора

Државниот првак на Македонија, осумгодишниот Јован Јовановски од Куманово го освои првото место во поединечните младински првенства во шах за момчиња и девојчиња во категориите до 8, 10, 12, 14, 16, и 18 години, што се одржа во јуни во Струмица во организација на Шаховската федерација на Македонија.

Јован како член на градскиот шаховски клуб Куманово последните три години има освоено19 медали и пет пехари на општински, државни, европски и светски младински првенства.

На следниот натпревар што ќе се одржи во Параќин, Србија малиот Јован ќе се натпреварува со возрасни, што пак, претставува дополнителен предизвик за него.

„ Малиот Јован достојно го претставува градот и самиот шаховски клуб. Како државен првак Јован ќе се натпреварува на европското првенство во ноември годинава во Будва. Шахот е одлична игра кој дури во 14 училишта во Куманово се изучува како изборен предмет. Се надеваме дека со градскиот шаховски клуб ќе продуцираме исклучителни шахисти“ , изјави потпретседателот на Шаховската федерација на Македонија Агим Шемшиу.