Активни десетина пожари во кумановско

Активни пожари попладнево на десетина локации во кумановско. Според првични информации од Територијалната противпожарна единица Куманово, активни пожари има во селото Четирце на потегот кон Горно Којнаре, Табановце, Романовце, Младо Нагоричане, населба Иго Тричковиќ, а пожар имало и на улицата „Ѓуро Пуцар Стари“.

Пожарникарите се на терен со сите расположливи средства.

Од ТППЕ Куманово апелираат и месното население да се вклучи во одбрана од огнената стихија бидејќи силниот ветер брзо го шири огнот и мора побрзо да се дејствува.