Кумановските рибари, заедно со останатите граѓани го одбележаа празникот Богојавление-Водици. Тие како и претходните седум години се собраа да прослават со грејана ракија, пивтии и дружба. Велат дека овој ден е значаен за рибарите и затоа секоја година кршат лепче со паричка и избираат кум.
– Бог се јави, навистина се јави. Среќен празник на сите рибари и оваа седма година како и претходните на ова друштво на овој ден јас ќе го предадам кумството. Среќно нека е на сите-истакна стариот кум, Виктор Ристовски.
Новиот кум, Момчило Ајданиќ, се надева дека паричката ќе му донесе здравје, среќа и успех.
-По седум години јас имам чест сега да бидам кум, нека ни е со среќа на сите, да сме живи и здрави-нагласи тој.
Рибарите се надеваат дека ваквото одбележување ќе остане нивна традиција. Тие се надеваат дека наредните години одбележувањето ќе стане уште помасовно.