Викендов се одржа отворено првенство за јуниори и јуниорки до 12 години. Домаќин беше тенискиот клуб ,,Тумба” од Куманово. Организаторите информираат дека целокупниот турнир помина во фер и спортска атмосфера. Учествуваа околу дваесеттина јуниори и шеснаесет јуниорки од цела Македонија, но само најдобрите се пласираа во финалето. Алексеј Стојановски од Т.К. ТУМБА- Куманово, во финалето кај јуниорите, во борба против Иван Трпковски, од Т.К. Чери – Скопје, го освои првото место со извонреден резултат 6:2 – 6:2 и стана шампион на турнирот. Со ова, Алексеј ја одбрани победничката титула на истиов турнир од минатата година. Ова е само уште една од низата титули за нашиот кумановски шампион, со кој продолжуваме да се гордееме и му посакуваме уште многу успеси-стои во соопштението од Т.К ТУМБА. Во женска конкуренција, првото место го освои Ива Остоиќ од МТП- Скопје, која ја победи Деа Крстевска од Т.К. Битола, со резултат 6:1 – 6:4. Претставници од Т.К. ТУМБА, од Куманово, во машка конкуренција беа и Алексеј Стошиќ, Алек Јакимовски и Калин Андов, додека во женска беа Зана Џемаили, Кјара Ивановска и Јована Спировска. Останатите членови, Теодора Божиновска, Софија Милошевиќ и Софија Трајковска, од оправдани здравстени причини, не беа во можност да се претстават на одржаниот турнир.
