Тројца мигранти се пронајдени во возило на граничниот премин Табановце. Имено, вчера околу 11 часот во товарно возило кое се движело на релација Република Грција – Република Србија, управувано од Д.М.(49 години) од Република Србија, биле пронајдени три лица илегални мигранти (еден од Иран и двајца од Авганистан). Од извршениот разговор мигрантите појасниле дека за одреден паричен износ едно лице ја искинало сајлата и ги сместило, додека товарното возило било паркирано. Д.М. бил задржан за понатамошна постапка. Се работи на расчистување на случајот, информира полицијата.