Се намалува цената на гас. За ноември за метар кубен граѓаните ќе плаќаат 105 денари, за разлика од септември кога еден кубик чинел 155 денари. Поради високата цена на гас правните субјекти ги откажале договорите со јавното претпријатие „Куманово гас“, а се намалил и бројот на приватните субјекти. Сега со изедначувањето на цените со нафтените деривати дел од правните субјекти ќе се вратат и ќе продолжат да го користат гасот како енергенс за затоплување.
