Се поголем е бројот на деца кои се соочуваат со потешкотии во развојот. Во Куманово се почесто помош бараат родителите на деца со говорно-јазичните проблеми, но и проблеми со социјална интеракција, внимание и концентрација.
Симона Трајковска дефектолог и управител на логопедско-дефектолошки кабинет ,,Чекор плус” појаснува дека на детскиот развој влијаат различни фактори, генетиката, личните карактеристки, но и опкружувањето во кое што детето расте, неправилното користење на технологијата и големата изложеност на екрани од најмала возраст.