Локално

Се одржа уште еден спортски настан во рамките на програмата за одбележување на 11 Ноември-Денот на ослободување на Куманово „Ноемвриски денови 2021”.
Ученици од општинските средни училишта учествуваа на средношколски баскет турнир 3×3, во машка и женска конкуренција, кој се одржа на спортското игралиште на ОСТУ „Наце Буѓони”- Куманово.
Настанот го организираше Општинскиот сојуз на спортови и Сојуз на училишен спорт.
Присуствуваа претставници од Сектор за образование и Сектор за култура и спорт при Општина Куманово.

Во рамките на програмата за одбележување на 11 Ноември-Денот на ослободување на Куманово „Ноемвриски денови 2021”, денеска се одржа првиот турнир во бадмингтон на спортскиот терен во ООУ „Вук Караџиќ”-Куманово, организиран од општинските Сојуз на спортови и Сојуз на училишен спорт. На спортскиот настан учествуваа ученици од основните училишта во Куманово и Старо Нагоричане, кои добија дипломи. На турнирот присуствуваа претставници од Сектор за образование и Сектор за култура и спорт при Општина Куманово.

Четворица членови на Школата за спортска гимнастика „Атлета“ освоија одлични резултати на државно натпреварување по гимнастика во Битола. Најуспешен беше малиот Калин Илијевски, кој освои второ место во категоријата помлади пионери. Тренерите Никола Златановски и Филип Миленковски се задоволни од постигнатите резултати и посочуваат дека редовниот тренинг по гимнастика придонесува континуиран психички и физички раст и развој на детето.

Одлични резултати постигнаа младите атлетичари до 16 години на младинскиот куп и државното првенство. На младинскиот куп на Македонија кој се одржа во Скопје, женската екипа заврши на второто место, додека машката се најде на третото на државното првенство. Тренерот Филип Колевски, раскажува дека е задоволен од пласманот иако имало потфрлувања. Нагласува младите  постигнаа и лични рекорди.
-Сум задоволен имаше постигнато многу лични рекорди, две први места, три втори места и две трети поединечно, што радува…

На иницијатива и под покровителство на градоначалникот на општина Куманово Максим Димитриевски, во соработка со Секторот за образование, а во организација на Општински сојуз на спортови, Општински сојуз на училишен спорт и Здружението на спортски педагози Куманово, се одржа првата работна средба за успешна организација и реализација на активностите по повод Европски ден на спортот 2021 во училиштата.

Овој настан традиционално се одржува во рамките на Европска недела на спортот, а оваа година општина Куманово е град домаќин…

Членовите на велосипедскиот клуб „Вело -М “ продолжуваат со своите континуирани успеси. Месецов „Вело М“ победи на трка низ Албанија од пет етапи. Повеќе за ова од изјавите во продолжение.

Ракометарките на Куманово ја освоија титулата во младинска конкуренција во домашниот шампионат, откако го совлада составот на Металург со резултат 24:23. Ова е трет пехар за Женскиот ракометен клуб Куманово, откако сениорскиот состав освои двојна круна, со победа во првенството и купот минатиот месец.

За предностите на училишниот спорт и воопшто влијанието на спортските активности врз младите, ќе слушнете во продолжение од изјавата на директорот на Агенцијата за млади и спорт, Наумче Мојсовски.