Вести

-Може ли подобро да се живее во Куманово, на кој начин економски да зајакне градот, дали доволно се инвестира во основните и средните училишта, какви се очекувањата од претстојните локални избори, ќе слушнете вечерва од Беким Салиу, кандидат за градоначалник на Општина Куманово од коалицијата на Алијанса на Албанците и Алтернатива, кој што гостува во емисијата СТАВ. Почеток во 20 часот.

Планинарите од Здружението за планинарење и заштита на планини „Козјак 2013“ ја одложија планираната акција за пошумување на површините во Козјачијата кои летово беа уништени од катастрофалните пожари.
Како што информираат организаторите, акцијата не се откажува, туку се одложува поради лошите временските услови. Дополнително ќе биде утврден нов датум кога ќе се изврши оваа акција.

Кумановскиот совет денеска ја одржа последната седница во овој состав. Досегашната претседателка, Атина Мургашанска изрази задоволство од работата на ова тело, реализираните проекти, спроведени измени. Пред советниците се обрати и советникот со најдолг стаж, од 20-тина години, Фериз Дервиши.
-Благодарение на залагањето на Советот со поддршка на УНДП и Швајцарската агенција за развој ние обезбедивме средства за реконструкција на фасадата, прозорците, кровната конструција и дел од училниците во посебните паралеки на  ОУ „Браќа Милановци“, а како…

Поради временските услови е одложено отворањето на саемот „Денови на мед“. Од Здружението „Пчела“ информираат дека дополнително ќе соопштат кога ќе се одржи манифестацијата.
„Деновите на мед“ требаше да започнат денеска пред Центарот за култура, а да траат до недела. Најавено е учество на петнаесетина излагачи. Манифестацијата се организира со поддршка на Општина Куманово.

Со квалитетна културна и уметничка програма ќе го збогатиме социјалниот живот на кумановци. Ќе обезбедиме низа активности и настани за сите етникуми, ветуваат од граѓанската иницијатива „За наше Куманово“. Кандидатот за советник, Николај Павловски, информираше дека нивната програма предвидува, кумановско културно лето на Спомен костурница, Урбан Атак фестивал на транс и техно музика и хип хоп револуција- фестивал на хип хоп и рап музика, рок фест, мото фест, детски фестивал, театар на отворено, културен центар…

Оливер Илиевски, кандидат на СДСМ за градоначалник на Куманово денеска оствари средба со стечајни работници од Куманово на која што заеднички се согласија дека Владата досега направи многу за нив, како никоја друга Влада претходно.
„Оваа Влада предводена од СДСМ имаше слух за оваа категорија граѓани и со Закон за материјално обезбедување на невработените лица поради приватизацијата на претпријатијата со доминантна сопственост на државата обезбеди можност да остварат месечен надоместок во износ од 9.242 денари, односно…

Кандидатот за градоначалник од ВМРО-ДПМНЕ и коалицијата, Тони Михајловски е позитивен на Ковид 19. Информацијата ја сподели тој на социјалната мрежа Фејсбук.
-Почитувани граѓани, за жал мора да ве известам дека на моето денешно тестирање од Ковид-19 излегов позитивен, вакциниран и почитувајки ги сите мерките за заштита на моето и вашето здравје сепак дојде до оваа несакана ситуација за секого. Мојот тим е на терен и работи за да ја донесеме долго очекуваната и заслужена промена…

-Вчера бев спречена да учествувам на телевизиско соочување со другите кандидати за градоначалници. Затоа ви благодарам што денес дојдовте и ја направивме оваа прес-конференција на која што можеме да продолжиме да ги претставиме нашите политики и нашите мерки кои што ги предвидовме во нашата програма, конкретно за Куманово.
Куманово беше град кој беше познат по насмевката и по весели луѓе. Некако како културата и културниот живот во Куманово да се изгуби. Живееме постојано во сивило. Затоа…

Градење на нови модерни спортски терени со тартан подлога во секое основно и средно училиште, и во секоја урбана или месна заедница каде што во моментов нема. Целосна реконструкција на надворешниот и внатрешниот дел на Спортската сала, реконструкција на комплексот Соколана и градскиот стадион, најавија од граѓанската иницијатива „За наше Куманово“. Кандидатот за советник, Филип Колевски посочи дека е планирана и реконструкција на спортскиот комплекс во поранешниот дом на АРМ со мултифункционално игралиште  со тартан…

Министерството за труд и социјална политика соопштува дека согласно со Законот за празниците, 11 октомври (понеделник), Денот на народното востание, е неработен ден за сите граѓани.
Истовремено, Министерството за труд и социјална политика на граѓаните им го честита Денот на народното востание.