Локално

Во кумановската полиција вчера било пријавено и дека во село Тромеѓа, пред основното училиште „Христијан Карпош“ се случила сообраќајна незгода, во која патничко моторно возило „Нисан“, со кумановски регистарски ознаки, управувано од Г.Б.(52 години)  удрило  во  пешак В.Д.(73 години), при што пешакот се здобил со тешки телесни повреди констатирани во Општа болница Куманово.
Од екипа на СВР Куманово бил извршен увид на местото на незгодата.

Во село Старо Нагоричане кај месноста викана „Смилчинска кривина” на магистрален пат Крива Паланка – Куманово вчера  настанал пожар во  патничко возило кое било во движење.
Пожарот бил изгаснат од екипа од Територијалната противпожарна единица -Куманово, а повредени лица нема, информира полицијата.
Увид на местото на настанот извршила екипа од СВР Куманово.

Претседателот на Социјалистичката партија на Македонија, Љупчо Димовски вечерва гостува во емисијата „СТАВ“. Димовски ќе говори за актуелните случувања во државата, но и за потребата од формирање на техничка или експертска Влада и вонредни парламентарни избори. Како СПМ се подготвува за претстојните локални избори ќе слушнете вечерва во СТАВ во 18 часот, на ТВ Плус.

Во понеделник, односно на 12ти јули 2021 година, со почеток во 20:30 часот, во дворот на соборниот храм „Св. Никола“ ќе се оддржи промоција на филмот „Чародејание“ . Филмот е во продукција на Кумановско-осоговска епархија.
 

Од 15-ти јули ќе започне бесплатниот јавен превоз на пензионерите со ниски пензии, до 11.000 денари. Согласно измената на Одлуката за спроведување на мерки за субвенционирање на трошоци за јавен градски и меѓуградски превоз за годинава, на пензионерите во наредните три месеца ќе им биде субвенциониран превозот, а вкупниот износ предвиден за оваа мерка е еден ипол милион денари буџетски средства. Иако со првичната одлука се предвидуваше шестмесечен бесплатен превоз со истите финансиски средства, на…

Екипи на кумановскиот Здравствен дом ги прават последните подготовки од понеделник да започне масовната теренска имунизација. Согласно планот ќе се опфатат руралните подрачја во кумановско, липковско и Старо Нагоричане. Од оваа установа информираат дека вакцинацијата ќе започне во понеделник, при што ќе се отворат посебни пунктови за масовна вакцинација, кои ќе функционираат во една смена, од 08 до 14 часот.

-Почнувајќи од понеделник, 12 јули нашите екипи ќе бидат во Слупчане, Опае, Оризаре, Старо Нагоричане, Челопек,…

Срѓан Ивановски од општинскиот комитет на ВМРО-ДПМНЕ Куманово, вечерва ќе гостува во емисијата „СТАВ“ на ТВ Плус. Тој ќе зборува за актуелните теми на ниво на државата, но и на локално ниво. Ќе се осврне и за инфраструктурните проблеми во Куманово, но и за изборите што следуваат. Емисијата „СТАВ“ започнува во 20 часот.

Со синоќешното отворање на самостојната изложба насловена „Кругови“ авторот Јовица Ивановски одбележува 30 годишно ликовно творење. Љубителите на ликовната уметност имаат можност наредните денови во  центарот за култура „Трајко Прокопиев“ да видат 25 слики од најновата продукција на Ивановски работена во последните неколку години која всушност претставува продолжување на неговиот повеќегодишен претходно развиен концепт. Зошто „Кругови“?, објаснува самостојниот уметник Ивановски.
-…Кругови како неизбежна космичка мистерија. Како повеќе планети кои универзумот го прават дуален балансирајќи го доброто…

СВР Куманово информира дека во текот на изминатото деноноќие според статистиката на МВР за периодот (08.07/09.07.2021), по однос на Уредбата за задолжително носење заштита на лицето, евидентирано е дека на ниво на Секторот за внатрешни работи Куманово   осум лица не ја почитувале Уредбата за задолжително носење заштита на лицето. Од осумтемина, шест лица биле на подрачјето на Кратово, а две во Крива Паланка. За нив ќе следуваат соодветни мерки.

Во липковското село Ваксинце, на место викано „Рудничка колонија“, вчера по претходно добиени оперативни сознанија од  страна на полициски службеници од СВР Куманово биле пронајдени седум лица – мигранти од Пакистан. Мигрантите се предадени во Транзитен центар Табановце, информира СВР Куманово