Вести

Во издание на Општина Куманово од печат излезе зборник „Навраќање кон Конески“, што го приредија Свето Стаменов, новинар на Македонското радио – Радио Скопје и познат македонски публицист и проф. д-р Вера Стојчевска – Антиќ, универзитетскa професорка и истакната македонска историчарка на книжевност, книжевен теоретичар и славист.
Со овој зборник Општина Куманово се приклучува кон сеопштото одбележување на стогодишнината од раѓањето на великанот на современата македонска култура Блаже Конески. Зборникот содржи избрани трудови на 29 врвни…

Министерството за труд и социјална политика ќе направи целосна ревизија на Нормативите и стандардите за исхрана и оброци на децата во детските градинки, во насока на нивно унапредување и усогласување со потребите за правилен раст и развој на децата.

Под целосна ревизија ќе бидат и рецептите за подготовка на оброци за децата коишто ги користат установите за воспитание на децата, со цел да се унапредат и да се усогласат со најновите истражувања за здрава исхрана, но…

Центарот за култура покренува иницијатива, при што ги повикува младите артисти кои се вклучени во одреден вид на уметност на средба, да дадат своја идеја, а тие ќе им понудат логистика да организираат културни настани во периодот што следува.
 

Во изложбениот салон на Центарот за култура „Трајко Прокопиев“ денеска беа претставени дела од ликовната колонија –Неготино 2020, меѓу кои и дело на кумановската уметница Валентина Илијевска. Организатор на колонијата е Општинската установа Музеј на град Неготино, финансиски поддржана од Министерството за култура и локалната самоуправа на Неготино. Изложбата ја отвори директорката на музејот во Општина Неготино, Драгица Чекоровска. Повеќе за ликовната колонија во продолжение од изјавата на Чекоровска.
 

Здружението на пензионери в понеделеник ќе започне со доделуње ваучери на своите членови кои што примаат пензија до 11.000 денари. Како што информира претседателот на здружението Благе Јакимовски , ќе бидат доделени 750 ваучери во износ од 1.000 денари. Повеќе од изјавата што следува.
 

Бизнисмени од земјава денеска присуствуваа на презентацијата на новата индустриска развојна зона Новини и Речица во Куманово. Градоначалникот Максим Димитриевски и претседателот на Сојузот на стопански комори на Македонија,  Даниела Арсовска потенцираа дека во креирањето и имплементацијата на економските политики важен акцент треба да се стави на рамномерниот економски развој.
 

Кумановскиот градоначалник, Максим Димитриевски изрази жалење за случајот со  градинка „Ангел Шајче“ и најави дека ќе побара одговорност. Тој истакна и дека веќе писмено побарал, но се уште не добил повеќе информации.
–Апсолутно треба да има одговорност, недозволиво е во денешни услови во такви инвестиции и капацитети да ни се јави салмонела. Ако се почитуваат сите процедури, и има изграден систем, мора да дошло до одредени пропусти за да се случи тоа. Но знаете дека кога…

Кај 31 дете и тројца вработени во кумановската градинка „Ангел Шајче“ е потврдено присуство на салмонела ентеритидис.  Бактеријата е откриена во оригинално пакување на мајонез, потврдија надлежните инспекторати.
По одлука на Државниот санитарен и здравствен инспекторат и Агенцијата за храна, затворена е кујната, како и занималните. Агенцијата за храна нареди и уништување на небезбедната храна.
На детскиот оддел се уште се хоспитализирани 3 дечиња, но состојбата кај нив е подобрена.
 

Министерството за здравство информира, согласно податоците од Институтот за јавно здравје во последните 24 часа направени се 1.658 тестирања, а регистрирани се 30 нови случаи на КОВИД-19. Од новозаболените, четири лица се од Куманово.
Регистрирани се 359 оздравени пациенти, од нив 31 кумановец.
Според надлежните, пријавени се вкупно 16 починати лица, меѓу нив и 80 -годишен кумановец.
Инаку, вкупната бројка на заболени од корона вирусот во Куманово изнесува 8.763, во моментов активни се 519 случаи на ковид -19.