Вести

На регионалниот пат Старо Нагоричане-Пелинце вчера попладне полициски службеници од Полициското одделение Старо Нагоричане  лишиле од слобода  27-годишен жител на  Велес.  При контрола на товарно моторно возило „ман“ со велешки регистарски ознаки, кое го управувал, биле пронајдени 44 мигранти од Палестина, Ангола, Конго, Судан, Пакистан, Гана и Сенегал, меѓу кои и малолетници.
Велешанецот бил приведен во полициска станица и по целосно документирање на случајот против него ќе следува соодветна пријава.

Полициски службеници од СВР Куманово лишиле од слобода,  четири лица од Ваксинце, липковско. Тие се сомничат дека извршиле обљуба врз 34 – годишна жена од липковско. Лицата биле приведени во полициска станица и по целосно документирање на случајот против нив ќе следуваат соодветни пријави.

Фондацијата за култура и спорт Куманово денеска во ресторан Грација ги презентираше завршните активности од проектот „Соработка во визуелни уметности за промовирање на регионалниот културен идентитет“ кој заеднички го спроведуваше со партнерите од Банско и Добриниште, Бугарија. Фондацијата е водечки партнер во проектот кој се спроведува од септември, лани.

Верниците со потекло од село Матејче, но и голем број граѓани на Куманово и поширокиот регион денеска го одбележаа празникот Рождество на Пресвета Богородица односно Мала Богородица во манастирскиот комплекс. Од година в година се помасно е чествувањето на празникот во црквата Успение на Св.Богородица, сместена на падините на Скопска Црна Гора, во општина Липково. Инаку, поголемиот дел од поранешните жители на село Матејче секоја година на овој ден се враќаат во своето родно место,…

На градскиот плоштад во Куманово денеска се реализираше настан за промоција на бесплатна правна помош.  Над 3.000 граѓани побарале ваков совет во рамки на проектот кој го спроведува Советот на Европа, заедно со министерството за правда. Граѓаните реагирале за различни правни проблеми, најчесто здравство, социјална заштита, бракоразводни постапки, имотно правни односи.

Германски ланец маркети ЛИДЛ влезе во кумановската индустриска зона. Надлежните од најголемата општина во земјава очекуваат развој на зоната. Велат интерес има и од домашни и од странски инвеститори. Но од вкупно 33 парцели досега се продадени само десет.